購買與收貨
下單後幾時會收到 eSIM？
完成付款後，系統通常會喺幾分鐘內將包含 QR Code 嘅電郵發送到你嘅郵箱。如果收唔到，請先檢查「垃圾郵件」，或者聯絡客服跟進。
ProRoam 同實體數據卡有咩分別？
eSIM 免寄貨、即時電郵發 QR Code、唔使換卡，最適合即時出發或想保留原本 SIM 嘅旅客。實體卡要等快遞或去舖頭買，仲要物理插卡。
可以用咩方式付款？
支援 Visa、Mastercard、Apple Pay 等。所有價格以 HKD 港幣 顯示同結帳。
安裝與使用
去外國上網，仲可唔可以用 WhatsApp？
絕對可以！只要你唔好喺 WhatsApp 入面更改號碼，連上 eSIM 網絡後，依然可以用原本香港號碼收發 WhatsApp 訊息同通話。
要點樣設定先上到網？需要開數據漫遊嗎？
抵達目的地後，將 ProRoam eSIM 設為「流動數據」線路，並為該線路開啟「數據漫遊」。記得關閉香港主卡嘅流動數據同漫遊，避免誤收漫遊費。詳細圖文請睇 安裝教學。
幾時安裝 eSIM 最好？
建議出發前喺有 WiFi 嘅地方安裝；到達目的地後先開啟該 eSIM 線路嘅數據同漫遊。唔好等到機場先第一次掃碼，以免網絡不穩。
點知我部手機支唔支援 eSIM？
一般 iPhone XS 或更新（部分中港澳雙實體卡型號除外），以及近年 Samsung、Google Pixel 等旗艦 Android 都支援。購買前請查 裝置相容清單。
可唔可以打電話或收 SMS？
大部分 ProRoam 旅遊 eSIM 方案只提供數據，不含當地通話或短訊。你仍可用原本香港 SIM 接聽電話同銀行 SMS（主卡需保持有效）。具體請睇產品頁說明。
一張 eSIM 可唔可以去多個國家？
視乎你買嘅方案：單國方案（例如日本 7 天）只限該國；多國 / 歐洲 / 亞洲方案會喺產品頁列明覆蓋範圍。買之前請確認目的地是否包含在內。
疑難排解
掃碼後顯示「無法加入流動計劃」
確認手機未鎖機、已連 WiFi、QR 未過期。重啟手機後再試。仍失敗請 WhatsApp 提供訂單編號，客服會協助。
有訊號但上唔到網
確認 ProRoam 線路已開「數據漫遊」，且流動數據已切換至 ProRoam（唔係主卡）。APN 一般自動設定，唔使改。可試開飛行模式 10 秒再關。
誤刪咗 eSIM 點算？
已刪除嘅 eSIM 通常無法用同一 QR 重新安裝。請即時 WhatsApp 聯絡客服；若方案未啟用，我哋會按 退款政策 協助。
幾時開始計有效期？
視乎產品：部分方案首次連接目的地網絡先開始計天；部分可能安裝後即開始。請以產品頁「有效天數 / 啟用方式」為準。
退款與售後
退款點計？
未啟用方案或因技術問題無法使用，可申請退款。已啟用或已使用流量嘅方案一般唔退。詳情請睇 退款政策，或客服查詢個案。
點樣聯絡客服？
最快係 WhatsApp（頁面右下角浮動按鈕）。請提供訂單編號、手機型號同問題描述，方便我哋即時跟進。